Shërbimi Federal i Sigurisë (FSB) së Rusisë tha se kishte penguar një komplot nga spiunët ukrainas dhe britanikë për të bindur një pilot rus duke i ofruar atij 3 milionë dollarë që vidhte një avion luftarak MiG-31 të armatosur me një raketë hipersonike Kinzhal.
Agjencia e lajmeve RIA, duke cituar FSB-në, raportoi se piloti do ta fluturonte aeroplanin drejt një baze ajrore të NATO-s në Konstanca të Rumanisë, ku do të rrëzohej nga sistemet e mbrojtjes ajrore.
FSB tha se Ukraina dhe Britania po planifikonin një “provokim” në shkallë të gjerë duke përdorur avionin dhe se Shërbimi i Inteligjencës Ushtarake ukrainase ishte përpjekur të rekrutonte pilotë rusë për të vjedhur MiG-31 duke u ofruar atyre 3 milionë dollarë.
“Masat e marra kanë penguar planet e shërbimeve të inteligjencës ukrainase dhe britanike për një provokim në shkallë të gjerë”, vuri në dukje RIA.
Televizioni shtetëror rus tregoi imazhe të mesazheve dhe transmetoi regjistrime audio nga një burrë që dyshohet se punon për shërbimet e inteligjencës ukrainase dhe britanike. Ai i ofroi një piloti rus 3 milionë dollarë për të fluturuar një MiG-31 në Evropë, duke shtuar se pilotit i ishte ofruar edhe shtetësi e huaj.
Kinzhal që ishte vendosur në avionin luftarak MiG-31 është një raketë balistike e lëshuar nga ajri që Moska thotë se është supersonike, e aftë të arrijë shpejtësi shumë të larta dhe të manovrojë për të shmangur zbulimin dhe rrëzimin nga sistemet e mbrojtjes ajrore.
Moska e ka akuzuar prej kohësh Londrën për nxitjen e luftës në Ukrainë dhe se anëtarë të inteligjencës britanike po ndihmojnë Kievin të kryejë një sërë operacionesh thellë brenda territorit rus.
Nga ana e saj, Londra ka paralajmëruar vazhdimisht se shërbimet ruse të inteligjencës po përpiqen të mbjellin kaos në Britani dhe Evropë me qëllim minimin e demokracisë.
