Moska u ka ndaluar hyrjen 54 qytetarëve britanikë, përfshirë zyrtarëve qeveritarë, gazetarëve dhe specialistëve për marrëdhënie me publikun, gjoja për shkak të qëndrimit “anti-rus” të Londrës.
Ministria e Jashtme e Rusisë tha të premten më 18 gusht se i ka shtuar në listën e zezë të Kremlinit ministren e Kulturës së Britanisë së Madhe, Lucy Frazer, si dhe Annabel Goldie, politikanen në Ministrinë e Mbrojtjes, e cila është përgjegjëse për furnizimin e Ukrainës me municione të uranium.
Në përgjithësi, 300 britanikë janë tani në listën e zezë të Kremlinit, në mesin e shumë njerëzve nga shumë vende të Perëndimit, të cilat janë duke e mbështetur Ukrainën në luftën e vazhdueshme pushtuese që Rusia e nisi në shkurt 2022.
Në mesin e të sanksionuarve janë edhe specialistët ligjorë dhe të sigurisë, si Karim Khan, kryeprokurori i Gjykatës Ndërkombëtare Penale në Hagë. Kjo gjykatë ka lëshuar urdhërarrest për presidentin e Rusisë, Vladimir Putin, për krime të dyshuara të luftës në Ukrainë.
Moska e ka sanksionuar edhe menaxherët e një firme konsultuese, e specializuar për rreziqet në zonat e luftës se gjoja e ka përkrahur ushtarakisht atë që Kremlini e quan “regjimi” në Kiev.about:blank
Kjo kompani i ofroi Ukrainës informata të inteligjencës dhe i përgatiti grupet e sabotimit dhe zbulimit për t’u vendosur në zonat e luftës, sipas Moskës.
Ky vendim i Moskës i përfshin në listën e zezë edhe gazetarët nga transmetuesi publik britanik, BBC, grupi i medias The Guardian dhe gazeta The Daily Telegraph, për gjoja “fabrikimin e shpifjeve kundër Rusisë”, tha Ministria ruse pa dhënë ndonjë shembull.
