Kremlini vijon me akuzat nga Britanisë, duke e quajtur një nga autoret e shpërthimeve në tubacioneve Nord Stream.
Rusia pretendon se Britania “koordinoi” shpërthimet e Nord Stream dhe se ish-kryeministrja Liz Truss pas kryerjes së shpërthimit i ka dërguar një mesazh Shteteve të Bashkuara duke u thënë “U krye”.
Zëdhënësi i Kremlinit Dmitry Peskov tha sot se agjentët e inteligjencës së Kremlinit kanë të dhëna që tregojnë se specialistët ushtarakë britanikë drejtuan dhe koordinuan sulmin.
Kjo deklaratë vjen pasi një faqe online filloi të përhapte teori konspirative se ish-kryeministrja britanike Liz Truss i kishte dërguar mesazh sekretarit amerikan të shtetit Antony Blinken menjëherë pas sulmit duke thënë “U krye”.
Kjo faqe pretendonte se aksesin në mesazh e kishte siguruar nga iCloud-i i Truss, ndërkohë që u zbulua se Rusia hakoi telefonin e saj kur ajo ishte Sekretare e Jashtme. Në lidhje me ngjarjen nuk janë publikuar të dhëna as nga faqja online dhe as nga Kremlini.
Megjithatë, akuza përfaqëson një linjë të re sulmi nga Rusia ndaj SHBA-së dhe Britanisë, të cilat kanë synim shënjestrimin e mbështetjes së Ukrainës kundër sulmit rus.
Ndërkohë Londra zyrtare i ka hedhur poshtë pretendimet ruse.
Zëdhënësi i kryeministrit britanik Rishi Sunak tha të martën se Londra nuk do të tërhiqet nga mbështetja për Kievin pavarësisht sulmeve ruse.
Të hënën, Sekretari i Jashtëm James Cleverly i tha parlamentit se akuzat ruse kundër Mbretërisë së Bashkuar ishin gjithnjë e më shumë të shkëputura nga realiteti.
“Ato janë krijuar për të shpërqendruar popullin rus nga realiteti i dështimeve ruse në fushën e betejës,” u tha ai anëtarëve të parlamentit.
