Kryetari i Bashkisë së Kukësit, Safet Gjici ishte i ftuari i sotëm në emisionin ‘UniversAl’ me Martin Kirin në AlbUk Tv.
Gjatë intervistës, Gjici është pyetur për fotografinë me ish-shefin e FBI-së, Charles McGonigal ai i cili tani është arrestuar në SHBA, dhe akuzohet edhe për lidhje me Edi Ramën dhe qeverinë e tij.
‘Ishte një takim i rastësishëm, prej Agron Nezës, të cilin e kam mik, pasi me vëllain e tij, të ndjerin, i cili ka qenë një gazetar i njohur, zëdhënës edhe i prokurorit të përgjithshëm. Jemi takuar dhe kemi shkuar e kemi ngrënë një darkë në një restorant në Tiranë, ku është bërë edhe ajo fotoja.
Një herë dhe një herë të vetme kemi qëndruar. Unë e njihja dhe e dija se kush ishte, sepse më kishte treguar mikun im Agron Neza. Thjeshtë ka qenë një darkë miqësore mes nëpërmjet mikut tim, Neza’, është shprehur Safet Gjici në AlbUkTv.
