Ish-kryeministri Sali Berisha ka gati 4200 firma të anëtarësisë nga 1800 që përcakton statuti për thirrjen e Kuvendit të PD me 11 dhjetor.
Berisha tha se formularët do ti dorëzohen në selinë blu kreut të Këshillit Kombëtar, Edi Paloka.
Lideri historik i PD-sëdeklaroi se në Kuvend janë të mirëpritur dhe ata që kanë refuzuar të firmosin ndërsa për ata që janë dyshues tha se do të kenë të rezervuar një karrige në kuvend krahas përfaqësuesit të firmëtarëve për të verifikuar çdo person.
Berisha:
Delegatët e Kuvendit Kombëtar firmosën masivisht formularin e dorëzuar për të thirrur në ditën e themelimit të PD-së Kuvendin, të rithemelimit apo si të doni quani, por është Kuvendi që do ta bëjë Shqipërinë me opozitën më vigane, më fitimtare që ka pasur ndonjëherë. Këtu kemi sjellë 4200 formularë të 4200 delegatëve nga 1800 që është detyrimi statutor për të thirrë këtë Kuvend. Po pse shkuan kaq shumë dhe vazhdon mbledhja. Këtu përpara kemi një shumicë jo vetëm të PD por de facto të Shqipërisë, mos llogarisni atë shumicë me votë të vjedhur atje. Kjo është shumica e njerëzve të lirë. Grupi përfaqësues i firmëtarëve ka vendosur që këta formularë historikë të rithemelimit të pluralizimit politik në Shqipëri ti depozitojë në selinë e PD-së, ti depozitojë te kryetari i Këshillit Kombëtar të PD, zoti Edi Paloka. Do thoni ju pse kjo përzgjedhje?
Në forumet e PD për dramën e kësaj partie i vetmi institucion apo forum brenda saj i konstituar pas Kuvendit është Këhsuilli Kombëtar. Peng kryetari nuk ka mbledhur akoma Kryesinë e PD. Ka frikë, ka tmerr nga forumet nga të gjitha, anëtarësia. Çdo gjë. Këshilli Kombëtar është formumi më i lartë pas Kuvendit Kombëtar i partisë dhe ai u konstitua, ka bërë një mbledhje. Për këtë arsye depozitohen pranë kryetarit të Këshillit Kombëtar.
Por me garancinë e plotë se do ruhet privatësia e të dhënave personale pasi formularët këtu kanë jo vetëm gjeneralitetet por edhe numrin e kartës së anëtarësisë dhe kartës së identitetit. Verifikimi i mandateve sipas rregullit të çdo Kuvendi bëhet vetëm nga Kuvendi, vetëm Kuvendi ka të drejtën statutore të verifikojë mandatin e zonjës apo zotërisë që ka firmosur formularin.
Ditën e Kuvendit do të jenë në sallën e Kuvendit. Kanë firmosur 4200, qindra të tjerë janë duke firmosur, rreth 1200 janë në emigracion. Të gjithë këta firmëtarë përbëjnë kuorumin dhe tejkalojnë të Kuvendit të ardhshëm të PD, janë shumica. Cili do jetë qëndrimi ndaj atyre që nuk duan të firmosin? Ftesa.Ata janë të mirëpritur në Kuvendin e PD. Ata që mund të kenë dyshimin më të vogël janë të ftuar në verifikimin e mandateve, do të kenë një karrige krahas përfaqësuesit të firmëtarëve për të verifikuar person pas personi çdo delegate dhe delegat që vjen në këtë Kuvend historik.