Samiti i G7-s që u zhvillua virtualisht u hap me një thirrje nga Boris Johnson për të avancuar së bashku në interes të të gjithëve në rrugën e bashkëpunimit për vaksinat antiCOVID-19.
Kryeministri britanik bëri thirrje gjithashtu dhe për promovimin e një plani për një shpërndarje më të shpejtë dhe një mbështetje më të madhe financiare për vendet më të varfëra.
Ky samit mblodhi drejtuesit e SHBA-së, Francës, Britanisë së Madhe, Gjermanisë, Japonisë, me pjesëmarrjen e krerëve të Bashkimit Europian dhe u drejtua nga kryeministri britanik, Boris Johnson.
Londra ka marrë presidencën e radhës së grupit dhe synon të presë në qershor një samit të drejtuesve në qendrën turistike të Cornouailles.
