Diaspora shqiptare do të mblidhet në Samitin III, pesë vjet pas fillimit të kësaj tradite.
Qendra e Botimeve për Shqiptarët e Diasporës veçon për këtë takim të madh faktin se në të do të jenë së bashku diaspora e vjetër dhe diaspora e re.
“Për herë të parë do të zhvillohen dy ditë: dita e parë do të jetë samiti për arbëreshët dhe diaspora e emigruar mbas viteve ’90, e cila do të përbëjë ditën e dytë të samitit, e artikuluar dhe e ndarë në panele të ndryshme, midis ministrive të ndryshme, me tematika të ndryshme. Pritet që të mundësohen lidhje, marrëveshje të rëndësishme,” shprehet Mimoza Hysa, drejtuesja e politikave të librit në Ministrinë e Kulturës.
Ndërsa pohon se politikat hartohen tashmë në bashkëpunim me diasporën, drejtoresha Hysi kujton se çështje si ato të ndërkombëtarizimit të universiteteve mund të ndihmojnë.
“Krijimi i lidhjes së universiteteve shqiptare me universitetet e huaja me qëllim për një diplomë të përbashkët, programe, ose bashkëpunimin me diasporën akademike, e cila shpesh është e pranishme në Shqipëri qoftë në mësimdhënie, qoftë me projekte, por sidomos për të realizuar këtë program të madh të qeverisë për ndërkombëtarizimin e universiteteve,” thotë znj. Hysi.
Më 22 dhe 23 nëntor, diaspora shqiptare në botë do të duhet t’i bashkohet formatit që mund t’i japë jetë si ideve të tyre, ashtu edhe ndihmës konkrete për vendin.
