Sanae Takaichi ka siguruar votat e mjaftueshme në Dhomën e Ulët dhe atë të Lartë për të bërë historinë si kryeministrja e parë femër e Japonisë.
Votimi në parlament vjen pasi Partia e saj Liberal Demokratike bëri një marrëveshje të re koalicioni dhe pas dorëheqjes së Shigeru Ishiba si kryeministër i vendit. Zgjedhja e Takaichi-t do të shënojë një zhvendosje djathtas në Japoni. Ajo siguroi 237 vota në Dhomën e Ulët – 4 kundër shumicës dhe më shumë se sa nevojitet për një shumicë të thjeshtë. Sanae Takacihi ka dashur gjithmonë të jetë “Zonja e Hekurt” e vendit të saj.
Gjatë dy dekadave të fundit, Japonia ka parë më shumë se 10 kryeministra.
Takaichi ka qenë prej kohësh një konservatore e vendosur, duke kundërshtuar martesat e të njëjtit seks dhe duke qëndruar kundër legjislacionit që do t’u lejonte çifteve të martuara të kishin mbiemra të veçantë, duke penguar shumë gra të mbanin mbiemrat e tyre të vajzërisë.
Ajo gjithashtu ka mbajtur një qëndrim të ashpër ndaj imigracionit. Ajo ka deklaruar se do të “merrte masa të rrepta ndaj vizitorëve dhe emigrantëve që shkelin rregullat” të cilët kanë ardhur në Japoni në numër rekord.
E lindur në prefekturën Nara në vitin 1961, babai i Takaichi-t ishte punonjës zyre dhe nëna e saj oficere policie. Politika ishte shumë larg edukimit të saj.
Dikur një bateriste e apasionuar pas muzikës heavy metal, ajo ishte e famshme për mbajtjen e shumë shkopinjve sepse i thyente ato gjatë rrahjeve intensive të baterisë.
Frymëzimi i saj politik erdhi në vitet 1980, gjatë kulmit të fërkimeve tregtare SHBA-Japoni.
Ajo fitoi një vend në parlament me LDP-në në vitin 1996. Që atëherë, ajo është zgjedhur deputete 10 herë, duke humbur vetëm një herë, dhe ka ndërtuar një reputacion si një nga zërat më të zëshëm konservatorë të partisë.
Pas dy përpjekjeve të dështuara, ajo u zgjodh udhëheqëse e LDP-së, gjë që i hapi rrugën votimit të së martës, ku pritet gjerësisht të konfirmohet si kryeministre.