Një punonjës shëndetësie ka humbur jetën në mënyrë tragjike. David Gomoh, 24 vjeç, sapo kishte varrosur babain e tij, i cili ndërroi jetë si pasojë e Covid-19. Infermieri, sapo kishte dalë nga shtëpia e tij në momentin që i zunë pritë një grup burrash. Ata e kanë qëlluar disa herë me thikë, duke shkaktuar kështu vdekjen e tij.
Policia nuk beson se David ishte shënjestra e këtij sulmi dhe është ende e paqartë përse u sulmua nga ky grup. Ngjarja është parë nga të gjithë komshinjtë, të cilët kanë treguar edhe britmat e nënës së David për ndihmë.
Motra e tij është shprehur:
David ishte një djalë shumë i mirë, nuk ishte përfshirë kurrë në diçka problematike. Nuk e meritonte aspak këtë që i ndodhi. Jemi shumë të trishtuar, humbëm dy persona kaq të rëndësishëm për ne, brenda kaq pak kohe.
Një mik i familjes, ka shtuar:
Unë isha shtrirë, në momentin që dëgjova disa të bërtitura nga rruga. Vrapova jashtë për të parë çfarë po ndodhte dhe vetëm kur shoh David të shtrirë në rrugë, të mbuluar në gjak. Mjekët u përpoqën ta shpëtonin sapo mbërritën, teksa ai ishte ende i shtrirë në rrugë. Kishte gjak kudo, ishte e tmerrshme. Në momentet e fundit përpara se të ndërronte jetë, po mundohej t’i bënte shenja mamasë së tij me dorë për ta ndihmuar.
