Albania

“S’do t’i harroj kurrë kalbësirat që më gjykuan”, Ronela Hajati: Historinë nuk mund ta fshini

Published

3 years ago

2 December, 2022

albnews

Ronela Hajati ka bërë një postim të gjatë në rrjete sociale ku flet për sakrificat që ka bërë për të arritur suksesin që gëzon tani. Ndonëse nuk ka zbuluar se çfarë e ka revoltuar këngëtaren, ajo shprehet se ka punuar shumë dhe karrierën e saj nuk ia ka borxh askujt.

Më tej, Ronela nuk lë pa përmendur dhe kritikat e ashpra që mori kur nuk kaloi në finale. Ajo i quan “fundërrina” ata që e gjykuan për ditë të tëra për performancën dhe veshjen që zgjodhi në festivalin evropian.

“Jam habit fare me këtë që mora vesh…Unë s’flas, mundohem të ruaj qetësinë, mos bëj zhurmë, shikoj punët e mia por jo! S’të lënë…HISTORINË NUK MUND TA FSHINI!!! Sidomos këtë timen, që edhe sikur magji të bëni ua kujton gjithë Evropa!

Fjala “pusht” është mbase fjala adapt për këtë kategori njerëzish që fatkeqësisht po mban akoma zë dhe peshë në shumë vendime! God is great! Suksesi shihet!!! Përkthehet në klikime, vëmendje, dashuri, para dhe njerëz që këndojnë njëzëri me ty! Kaq kam kërkuar gjithmonë!

Ronela përherë i ka gëlltitur dhe i ka marrë me sportivitet të gjitha kritikat gjatë gjithë këtyre viteve. E dua këtë vendin tim sa s’ka, kam mijëra mundësi për të ikur, po e shijoj sa nuk ka atë kafe në mëngjes në Tiranën time. Kurrë në gjithë këto vite karrierë nuk kam marrë mbështetje të plotë nga dikush!

Gjithë jetën kam luftuar me thonj e me gjak për një vend në muzikë që dhe sot e kësaj dite meritoj të jem shumë më lart edhe se ç’jam! E gdhij në studio ditë natë pa pushim! Vetëm punoj! Kam sakrifikuar shëndetin, familjen, dashurinë për këtë muzikë! Nuk kam ndaluar as kur kam qenë shumë rëndë nga gjendja shëndetësore! Ronela do të mbahet mend vetëm duke qeshur e moskokëçarëse!

Pavarësisht se nga brenda kam qarë pa rreshtur! Nuk do t’i harroj kurrë fytyrat e atyre kalbësirave televizive që u mblodhën për javë me rradhë të më gjykonin mua, një vajzë e re me ëndrra e punëtore pafund, kur nuk kalova në finale në Eurovision! Dhe jo! S’më ka ngelur filmi fare këtu, sepse kam realizuar këngë pafund më pas! Thjesht unë nuk fola kurrë! Nuk ju ktheva askujt!

Pse nuk e latë kështu? Prandaj e theksova që unë kam punuar gjithmonë vetë! Se nuk i kam borxh ASKUJT! Dhe kur flas pastaj i kam shumë të hidhura fjalët! Pse nuk e latë me kaq?“, ka shkruar Ronela.

Albania

GJKKO pranon kërkesën e SPAK/ Zgjaten afatet hetimore për dosjen “Bankers”

Published

16 seconds ago

2 January, 2026

albnews

Me kërkesë të Prokurorisë së Posaçme, GJKKO ka zgjatur afatet hetimore me 3 muaj për dosjen “Bankers”.

Sipas organit të akuzës kërkesa bazohet në kryerjen e veprimeve të tjera hetimore shtesë për shkak të kompleksitetit të çështjes.

I vetmi që ndodhet në masën arrest në burg për këtë çështje është CEO kinez i kompanisë, Hongping Xiao, ndërsa të gjithë të pandehurit e tjerë, janë në masa më të buta si arresti i shtëpisë.

Hetimet lidhen me deklarime të dyshimta tatimore dhe shmangie të detyrimeve financiare nga 2004–2024, duke shkaktuar dëm të konsiderueshëm financiar në buxhetin e shtetit.

Sipas Prokurorisë, Bankers ka realizuar shitje dhe eksporte nafte në vlerën totale prej 532 miliardë lekësh, por ka deklaruar humbje për çdo vit, me një total prej 11.7 miliardë lekësh, duke shmangur tatimin mbi fitimin dhe përfituar rimbursime të dyshimta të TVSH-së.

Disa ditë më parë Drejtoria e Përgjithshme e Doganave ka bllokuar aktivitetin e “Bankers Petroleum” për shkak të gjobës 120 milionë euro ende të pashlyer, të vendosur në 2019 pasi kompania naftënxjerrëse nuk kishte paguar 30 milionë euro akcizë për holluesin.

Kapitali.al

Albania

Viti 2026/ BIRN: Drejtësia do të jetë sërish kryefjala

Published

9 minutes ago

2 January, 2026

albnews

Viti 2026 po e gjen Shqipërinë në një udhëkryq të ri sa i përket raporteve të politikës me drejtësinë, ndërkohë që vendi pret të avancojë në rrugën e përmbushjes së kushteve për anëtarësim në Bashkimin Europian me sundimin e ligjit si gurthemeli në këtë proces.

Ndryshe nga ç’kishte premtuar, kryeministri Edi Rama e mbylli vitin 2025 duke bërë avokatinë publike të bashkëpunëtorëve të tij të ngushtë që po përballen me një mal akuzash për manipulim tenderash me Prokurorinë e Posaçme. Megjithatë, mbetet ende e paqartë se si do të pozicionohet ai ndaj kërkesës për heqjen e imunitetit të zv.kryeministres Belinda Balluku, e cila fle në sirtarët e Kuvendit që prej 16 dhjetorit.

Në kundërshtim me rregulloren dhe praktikën e mëparshme parlamentare, socialistët po fitojnë kohë duke shtyrë vendimmarrjen për Ballukun në janar, edhe pse zyrtarja e lartë akuzohet për manipulim të tenderave me vlerë qindramilionë euro dhe kërcënim të dëshmitarëve.

Më herët, Rama bëri një betejë në Gjykatën Kushtetuese në mbrojtje të Ballukut, duke ngrirë përkohësisht një vendim për pezullimin e saj nga detyra, ankimim që pritet të marrë përgjigje përfundimtare më 22 janar nga kjo gjykatë nëse është i bazuar në Kushtetutë apo jo.

Çështja “Balluku” nuk është e vetmja sfidë në oborrin e kryeministrisë, pasi kryeministri Rama i doli në krah edhe Mirlinda Karçanajt, drejtoreshës jetëgjatë të AKSHI, e akuzuar si bashkëpunëtore e një grupi të strukturuar kriminal në manipulimin e tenderave për të ashtuquajturën “Shqipëria digjitale”.

E ndërsa goditjet e SPAK-ut ndaj zyrtarëve të lartë dominuan vitin që po lëmë pas, ekspertët e politikës paralajmërojnë se edhe viti i ri do të ketë sërish në fokus përballjen e politikës me drejtësinë.

Rigels Xhemollari, drejtor i organizatës “Qëndresa Qytetare”, parashikon një rritje të presionit mbi organet e drejtësisë gjatë vitit 2026.

“Drejtësia – tema dominuese e vitit 2025 – pritet të mbetet në qendër të vëmendjes edhe në fillim të vitit 2026; Nga njëra anë, do të vijojë përballja e SPAK me korrupsionin dhe krimin e organizuar, ndërsa nga ana tjetër pritet një intensifikim i presioneve politike, mediatike dhe ekonomike ndaj strukturave të drejtësisë, duke e kthyer betejën për sundimin e ligjit në një nga provat më të forta për shtetin shqiptar,” tha Xhemollari.

Edhe Afrim Krasniqi, drejtor i Institutit për Studime Politike rendit si dy zhvillimet më të rëndësishme të vitit ecurinë e hetimeve të SPAK ndaj zyrtarëve të lartë si dhe ecuria e procesit të integrimit.

Por ai beson se tensioni në rritje anti-SPAK nuk do të prekë punën e organeve të reja të drejtësisë, pavarësisht se është në interesin e të dyja palëve politike.

“Interesi anti-SPAK bashkon liderët e qeverisë dhe opozitës, por është i pamjaftueshëm për të penguar avancimin e tyre, në konflikt interesi dhe de facto, një tregues më shumë për nevojën për hetime edhe më të avancuara dhe në nivele edhe më të larta,” tha Krasniqi për BIRN.

Në këtë kontekts, sipas tij, është me rëndësi që “SPAK e GJKKO të ruajnë integritetin profesional dhe të përfundojnë gjykimin e disa dosjeve VIP, ku bëjnë pjesë politikanët në masë sigurie dhe ata tashmë nën hetim zyrtar”.

Ecuria e negociatave me Bashkimin Europian do të varet gjithashtu nga sjellja e politikës ndaj drejtësisë dhe funksionimi i parlamentit.

Sundimi i ligjit dhe lufta kundër korrupsionit janë shtyllat kryesore ku bazohet ecuria e afrimit të Shqipërisë me BE-në, ndërsa teknikisht këto dy kritere bëjnë pjesë në grup-kapitullin e parë të negociatave, që sipas premtimeve të kryeministrit Rama, synohet të mbyllet në 2027-ën me gjithë pjesën tjetër të kapitujve.

Për Krasniqin, ky proces pritet të jetë teknik, pa përfshirje të publikut.

“Viti 2026 do na tregojë se procesi i negociatave favorizon qeveritë në detyrë, sepse kërkon stabilitet dhe trajtohet si çështje shtetërore, pa pjesëmarrjen publike,” thotë ai, duke parashikuar se “ashtu siç po ndodh tani, ligje të shumta pritet të kalojnë pa u dhënë rëndësi standardeve parlamentare, cilësisë së tyre dhe jetësimit në praktikë”

Edhe Xhemollari e sheh procesin e integrimit si një proces teknik nga pikëpamja e plotësimit të detyrimeve që lindin nga negociatat, ndërsa sfida reale e qeverisjes sipas tij do të lidhet me përmirësimin e jetës së qytetarëve.

“Në aspketin teknik, hapja e të gjithë kapitujve të negociatave me Bashkimin Europian gjatë vitit 2025 pritet të zhvendosë fokusin e qeverisë drejt përmbushjes formale të detyrimeve teknike dhe dokumentare që burojnë nga procesi i integrimit,” thotë ai.

Në planin politik, Xhemollari konsideron si “pataten e nxehtë” shqyrtimin e heqjes së imunitetit të Ballukut nga Kuvendi, çështje që do të nisë punimet e sesionit të ri. Ndërsa në afatgjatë, ai parashikon si sfidë përballjen me “një nga periudhat më të ndërlikuara të reformimit, ku në tryezë do të jenë ndryshime të rëndësishme zgjedhore dhe territoriale”.

Debati për përbërjen e sistemit elektoral, financimin e fushatave elektorale dhe balancat e pushtetit pritet të shoqërohet me tensione të forta politike dhe përplasje institucionale edhe gjatë vitit 2026.

Këto sfida përballen me një parlament të dobët dhe tension politik, që sipas Krasniqit pritet të vazhdojë edhe në vitin e ri.

“Opozita nuk ka potencial për reformim dhe ndryshime, qeveria nuk ka agjendë reformash dhe as shenja reflektimi nga gabimet e të kaluarës dhe ato aktuale,” tha Krasniqi.

“Në këtë mënyrë, viti 2026 pritet të jetë shtojcë e aktualitetit politik të 2025, pa ngjarje, pa zhvillime të rëndësishme dhe një tjetër shans i humbur tranzicioni,” përfundoi ai.

Reporter.al

Albania

Bixhoz dhe drogë në një godinë trekatëshe në mes të Lezhës

Published

16 minutes ago

2 January, 2026

albnews

Policia e Shtetit ka finalizuar me sukses operacionin policor të koduar “Fishat” në qytetin e Lezhës, duke goditur një kazino të paligjshme që funksiononte në një godinë trekatëshe në bulevardin “Gjergj Fishta”.

U arrestuan në flagrancë përgjegjësi i kazinosë shtetasi Bledar Arapi, u shpall në kërkim organizatori i dyshuar shtetasi Elger Uka, i cili kishte marrë me qira objektin dhe e kishte përshtatur për aktivitetin e paligjshëm.

Po ashtu, u proceduan penalisht 15 persona të tjerë që u kapën duke luajtur lojëra fati në ambientet e kazinosë.

Gjatë kontrollit, Policia sekuestroi 15 makineta lojërash fati, një tavolinë pokeri, çipsa dhe letra bixhozi, disa doza kokaine, si dhe shuma të konsiderueshme parash në lekë, euro dhe dollarë.

Ndërkohë, Drejtoria e Standardeve Profesionale në Drejtorinë e Përgjithshme të Policisë së Shtetit, me urdhër të Drejtorit të Përgjithshëm të Policisë së Shtetit, ka nisur menjëherë hetimin disiplinor për disa drejtues dhe punonjës policie, të cilët nuk kanë marrë masa për evidentimin dhe goditjen e kësaj paligjshmërie.