Sekretari i Mbrojtjes i Mbretërisë së Bashkuar, John Healey, këmbënguli se Ukraina duhet të jetë pjesë e negociatave të ardhshme të paqes, raportojnë mediat e huaja.
Komentet Healey i bëri gjatë një konference për mediat, ku shprehu qëndrimin e tij të qartë kundër pretendimeve të ditëve të fundit se Ukraina mund të përjashtihet nga këto bisedime dhe do të jetë SHBA dhe Rusia që do të vendosin për fatin e luftës.
“Negacionet për Ukrainën nuk mund të bëhen pa Ukrainën dhe Ukraina duhet të jetë pjesë e diskutimeve”, tha Healey, shkruan A2 CNN.
“Është sens i përbashkët. Ju nuk mund të shihni një zgjidhje, e lëre më të qëndrueshme, paqe dhe siguri të qëndrueshme, nëse Ukraina nuk është në zemër të kësaj”, tha ai më tej.
Kujtojmë se më herët edhe zëdhënësi i Kremlinit, Dmitry Peskov tha se Kievi do të jetë palë në bisedime “në një mënyrë ose në një tjetër”.
Presidenti Donald Trump zhvilloi ditën e djeshme biseda telefonike me homologët Vladimir Putin dhe Volodymyr Zelensky. Ai deklaroi se palët kishin rënë dakord për të nisur diskutimet për t’i dhënë fund luftimeve.
