Policia Kufitare në Kosovë ka sekuestruar një sasi të madhe eksplozivi gjatë një kontrolli rutinë.
Zyrtarët doganorë përzgjodhën për kontroll një automjet të tipit furgon, i cili u dërgua në vijën e dytë për inspektim të detajuar, në kuadër të bashkëpunimit ndërinstitucional me Policinë Kufitare.
Gjatë marrjes në pyetje, drejtuesi i furgonit deklaroi se nuk posedon mallra për deklarim.
Megjithatë, gjatë kontrollit është gjetur një sasi e madhe lënde shpërthyese, e vendosur në thasë dhe pako, me peshë rreth 300 kilogramë, të cilat ishin fshehur në bagazhin e automjetit dhe të kamufluara me pajisje peshkimi.
Eksplozivi është sekuestruar ndërkohë që ka nisur një hetim për ngjarjen.
