Një velier është gjetur e braktisur në det të hapur dhe është dërguar për verifikim në portin e Sarandës. Velieria u gjet nga anija e peshkimit “Rozafa 23” më 10 qershor, rreth 51 milje larg ishullit të Sicilisë në Itali.
Velierja “Bavaria 50” u mor nga e anija e peshkimit “Rozafa 23”, ekuipazhi i së cilës ishte duke peshkuar në atë hapësirë detare.
“Anija e peshkimit ka njoftuar Kapitenerinë e Sicilisë dhe Delta Force e Policisë Italiane, të cilët kanë kryer kontrollin fizik, gjatë të cilit nuk kanë konstatuar sende të kundërligjshme si dhe kanë kryer verifikimet e tjera përkatëse dhe në bazë të së drejtës ndërkombëtare të detit, ja kanë dhënë velieren kapitenit të anijes Rozafa”, thuhet në njoftimin e policisë.
Mjeti lundrues mbërriti në portin e Limjonit, Sarandë në orën 09:00 dhe është sekuestruar duke pritur të verifikohet nga Kapiteneria Sarandë.
