Dogana suedeze ka sekuestruar 1.4 tonë kokainë në portin afër Stokholmit, tha sot zyrtari doganor suedez Stefan Granat.
“Nëse konfiskimi është aq i madh sa mendojmë, është një nga më të mëdhenjtë ndonjëherë,” i tha Granat shërbimit publik SVT, duke shtuar se të dhënat e sakta se sa drogë u gjetën ende priten, sipas AP.
Droga u zbulua në një kontejner në portin e Ninashamn, në jug të Stokholmit, më 18 prill, shtoi Granat, dhe gjashtë persona u arrestuan.
Doganierja suedeze thotë se droga ka shumë të ngjarë të ishte e destinuar për tregun evropian dhe se Suedia ishte vetëm një vend transit.
“Vetëm pesë deri në 10 vjet më parë, ishte e pazakontë të kapeshin vetëm 100 kilogramë,” vuri në dukje ai.
Një sasi e madhe kokaine u sekuestrua në vitin 2022 – 822 kilogramë, që është 300 kilogramë më shumë se rekordi i mëparshëm i vitit 2018.
