Selena Gomez ka tërhequr vëmendjen ditët e fundit në Paris, ndërsa mediat e huaja dhe fansat e saj shkruajnë se këngëtarja nuk është dukur kurrë më mirë.
31-vjeçarja zgjodhi disa kombinime efektive, në të cilat u shfaq në kryeqytetin e modës.
Gomez ishte dukshëm e disponuar dhe e buzëqeshur dhe me gatishmëri pozonte para fotografëve dhe realizonte fotografi me fansat.
Në Paris, u shoqërua me miqtë e saj, Nicola Peltz e Brooklyn Beckham, ndërsa së bashku shkuan në një ndeshje futbolli.
Në një tjetër kombinim, ajo ishte veshur me një fustan të zi të ngushtë, me një byzylyk ari dhe u nis për në një klub nate.
Ndryshe, këngëtarja është shpallur së fundmi ndër yjet e veshura më mirë në MTV Video Music Awards.
