Senatori republikan amerikan Rick Scott ka akuzuar Kinën se po përpiqet të “sabotojë” zhvillimin e vaksinës së koronavirusit.
Duke folur në programin e Andrew Marr në BBC, ai tha se Kina ka “vendosur të bëhet kundërshtar”.
“Ne kemi për ta përfunduar këtë vaksinë. Për fat të keq kemi prova që Kina komuniste po përpiqet të na sabotojë ose ngadalësojë atë,” tha Scott.
“Nëse ne, ose Anglia e bëjmë më parë, ose dikush në Evropë, ne do të jemi të gjithë. Kina nuk do të ndahet.”
Duke iu përgjigjur një pyetjeje se çfarë provash kishte për të justifikuar komentet e tij, ai tha: “Ka prova… ato erdhën përmes agjencisë sonë të inteligjencës… ka prova që ata janë përpjekur të sabotojnë ose ngadalësojnë atë.
“Është zhgënjyese ajo që bëri Kina për të gjithë ne… ata gënjejnë për këtë dhe ne mund të ishim përgatitur më mirë.”
Kina tha se informoi që në 4 janar SHBA-të për koronavirusin, atëherë kur sëmundja ishte ende e panjohur.
Presidenti Xi Jinping ka thënë gjithashtu se një vaksinë – nëse ose kur ajo të krijohet nga Kina – do të shpërndahet globalisht, “e cila do të jetë kontributi i Kinës për të siguruar aksesin e vaksinës dhe përballueshmërinë në vendet në zhvillim”./BBC
