Profesori në Universitetin Johns Hopkins në Washington, Edward Joseph ka folur për “përpjekje të tepërta” të SHBA-së për ta qetësuar presidentin serb, Aleksandçr Vuçiç.
“Nuk ka ‘stabilokraci’ me Vuçiç. Tensionet dhe rrëmuja janë në rritje dhe jo vetëm në Kosovë. Shihni kërcënimet e fundit të Dodik në Bosnjë e Hercegovinë. Shikoni frikën dhe dyshimet në Mal të Zi, të cilat janë sfondi për formimin e një qeverie të re”.
“Shihni reagimin e Vuçiç për sanksionet e sapo vendosura ndaj Aleksandër Vulin”, tha profesori amerikan në një intervistë për mediumin serb, Demostat teksa dhe u shpreh se ka vërejtur “disa ndryshime të qarta” në qasjen e SHBA-së së fundmi.
“Unë gjithashtu besoj se vendimi i administratës Biden për ta sanksionuar Vulinin mund të jetë një pikë kthese. Kjo mund të shënojë një vendim të vonuar prej kohësh nga SHBA për të filluar ta mbajë Vucicin përgjegjës për politikat e tij të brendshme, rajonale dhe ndërkombëtare” – Deklaroi Edward Joseph
“Shpresoj që ambasadori Hill – një diplomat me shumë përvojë – të kuptojë se përparimi në marrëdhëniet serbo-amerikane qëndron te përgjegjësitë. Ta lejosh Vuçicin dhe Vulin të jenë të papërgjegjshëm, nuk është mënyra për të avancuar në politikë në lidhje me Rusinë, Kosovën, demokracinë serbe apo çështje të tjera të rëndësishme në marrëdhëniet serbo-amerikane” – tha profesori amerikan, i cili gjithashtu beson se ka përçarje në politikën e SHBA-së sa i përket Kosovës.
“Shpresoj që sanksionimi i Vulin-it të jetë dëshmi se ndarjet po mbyllen” – deklaroi profesori amerikan duke shtuar: Në Washington duhet ta kuptojnë se baza për bashkëpunimin serbo-amerikan është përgjegjësia, jo t’i mundësohet Vuçiçit të ruajë sharadin e tij të të qenit ‘partner perëndimor”.
