Milani ka pësuar humbjen e 9-të sezonale në kampionatin italian, ku të dielën u mposht nga Napoli në shifrat 2-1. Më herët ishin rivalët e Interit që morën 3 pikët e radhës ndaj Udinezes.
Interi do të ketë kundërshtar këtë sezon në garën për titullin vetëm Napolin, kështu duket situata në kreun e Serisë A, aty ku zikaltrit udhëheqin me hap kampioni dhe besojnë se në fund do të ngrenë lart trofeun. Gara ka qenë interesante prej fillimit, por kur kanë mbetur edhe 8 javë deri në përfundim dhe mjaftueshëm pikë për të bërë diferencën, zikaltrit kanë humbur vetëm 3 prej sfidave.
Të dielën ishte radha e Udineses të mposhtej, duel i mbyllur 2-1. Skuadra e Inzaghit shënoi 2 herë që në fraksionin e parë me Arnautovic dhe Frattesi, ndërsa në pjesën e dytë u ndëshkua nga Solet. Ky ishte triumfi numër 20 në kampionat për Interin, që po ashtu vijon rrugëtimin në Champions.
Sa i përket supersfidës së javës së 30, ajo mes Napolit dhe Milanit u mbyll me fitoren e vendësve me rezultat 2-1. Politano dhe Lukaku për 3 herë kampionët e Serisë A dhe Jovic për kuqezinjtë ishin autorët e golave, ndërsa Santiago Gimenez shpërdoroi një 11-metërsh që ishte në favor të skuadrës së Conceicao, që e sheh veten në vendin e 9-të duke iu larguar dhe më tepër zonës Euro.
