Fundjava që lamë pas ka vijuar me shtim të turistëve që vijnë për të vizituar vendin tonë.
Sipas të dhënave nga porti i Durrësit, vetëm të shtunë dhe të dielë në këtë pikë kalimi janë përpunuar në hyrje 9147 pasagjerë dhe 3270 mjete.
Ndërkohë që bëhet me dije se numri në dalje nga porti i Durrësit ka qenë shumë herë më i vogël.
Autoritetet portuale në Durrës bëjnë me dije se janë marrë të gjitha masat për përpunimin pa vonesa dhe krijimin e lehtësirave të nevojshme për udhëtarët.
