Xherdan Shaqiri ka asistuar golin e fitores për Liverpoolin sot në ndeshjen ndaj West Ham Unitedit. Ndeshja e zhvilluar në “Anfield Road”, që i takoi xhiros së shtatë të Premier Leagues, përfundoi me fitoren 2:1 të Liverpoolit.
Liverpooli arriti të kthehet nga disavantazhi 1:0. Pablo Fornals (10’) dërgoi West Hamin në epërsi, ndërsa Mohamed Salah (42’) nga penalltia barazoi rezultatin. Shaqiri u aktivizua në minutën e 70-të dhe asistoi golin e fitores të cilën e shënoi Diogo Jota (85’).
Liverpooli kryeson me 16 pikë pas shtatë xhirove, tri më tepër se Evertoni që zë vendin e dytë, por Evertoni ka një ndeshje më pak të zhvilluar.
