Pentagoni njoftoi se do vazhdojë të punojë me kompanitë turke për disa pjesë të avionit të përbashkët ushtarak luftarak F-35
Departamenti amerikan i Mbrojtjes (Pentagon) njoftoi se do vazhdojë të punojë me kompanitë turke deri në 2022 për disa pjesë të avionit të përbashkët ushtarak luftarak F-35.
Jessica Maxwell, një prej zëdhënësve të Pentagonit ka dhënë përgjigje ndaj pyetjeve të Anadolu Agency (AA), ku ajo tha se do vazhdohet përgjatë vitit 2022 prodhimi i 139 pjesëve që kompanitë turke prodhojnë për avionin F-35.
“Partnerët tanë të industrisë do të vazhdojnë të kryejnë kontratat që vazhdojnë. Programi i F-35 në këtë pikë është përpjekur të shmanget nga përfundimet e marrëveshjeve, të panevojshme, me kosto dhe çrregulluese”, tha Maxwell.
Më tej, zëdhënësja shtoi se programi i F-35 në të njëjtën kohë vazhdon punimet për të gjetur alternativa dhe vazhdon të kryejë planet e saj në këtë çështje.
Pasi Turqia mori nga Rusia sistemet e mbrojtjes ajrore S-400, SHBA në korrikun e kaluar pezulloi partneritetin e Turqisë në programin F-35. Por nuk anuloi kontratat aktuale për shkak se kompanitë turke prodhojnë disa pjesë të caktuara dhe lejoi që kompanitë turke të vazhdojnë furnizimin e pjesëve deri në fund të këtij viti, deri në gjetjen e furnizuesve të rinj.
Me pandeminë e koronavirusit të ri (COVID-19) u përjetuan ndërprerje serioze në prodhimin e pjesëve të F-35. Kompanitë turke prodhonin më shumë se një mijë pjesë për avionin F-35.
Turqia kishte premtuar blerjen e gjithsej 100 avionëve luftarakë F-35 dhe kishte marrë pronësinë e 6 prej tyre.
Por pas pezullimit të partneritetit të Turqisë, Kongresi Amerikan në buxhetin e mbrojtjes autorizoi Pentagonin për blerjen e avionëve turq për Forcat Ajrore të SHBA-së.
