India ka rritur tarifat për 28 artikuj importi nga Shtetet e Bashkuara në një klimë tensionesh të acaruara tregtare mes dy vendeve.
Kundërpërgjigja e Indisë pason vendimin e Uashingtonit të disa ditëve më parë për të hequr Nju Delhin nga lista e vendeve me qasje të preferuar në tregun amerikan.
Përplasjet mes dy superfuqive ekonomike janë shkallëzuar ndërkohë që bëhen përgatitje për vizitën e Sekretarit të Shtetit Mike Pompeo këtë muaj në Nju Delhi. Zoti Pompeo ka bërë presion që India të zbusë pengesat tregtare dhe t’u japë më shumë qasje kompanive amerikane në tregjet e saj.
Ky është vetëm një shtet tjetër i madh ekonomikisht që futet në luftë tregtare me SHBA’në që prej se Donald Trump është zgjedhur president.
