Kina ka kryer gjenocid me shtypjen e ujgurëve dhe pakicave tjera kryesisht myslimane, tha të martën sekretari i Shtetit, Mike Pompeo.
Sekretari në ardhje i Departamentit të Shtetit, i cili do ta marrë detyrën së shpejti, Antony Blinken, tha se pajtohet me vlerësimin e paraardhësit të tij, shkruan BBC.
“Unë besoj se gjenocidi është i vazhdueshëm dhe se ne jemi dëshmitarë të një përpjekjeje sistematike për shkatërrimin e ujgurëve nga shteti-parti i Kinës”, tha Pompeo në një deklaratë.
Ndonëse kjo deklaratë e shton presion ndaj Kinës, ajo nuk nënkupton sanksione të reja ndaj vendit komunist.
Shefi i ri i Departamentit të Shtetit, Blinken, u pyet të martën nëse pajtohet me vlerësimin e Pompeos për këtë çështje. Ai tha: “Ky do të ishte vlerësimi im, gjithashtu”.
Edhe ekipi i Bidenit bëri vlerësim të ngjashëm për trajtimin e ujgurëve në gusht të vitit të kaluar, duke thënë se kjo pakicë ka përjetuar shtypje që s’shprehet me fjalë në duart e qeverisë autoritare të Kinës.
Grupet për të drejtat e njeriut besojnë se Kina i ka ndaluar rreth një milion ujgurë në vitet e fundit, duke i dërguar ata në të ashtuquajturat “kampe të riedukimit”. Sidoqoftë, televizioni BBC ka hulumtuar dhe ka zbuluar se ujgurët ka mundësi që janë duke u përdorur si fuqi punëtore.
Kina i ka arsyetuar këto kampe me luftimin e separatizmit, terrorizmit dhe ekstremizmit në rajonin e skajshëm perëndimor, ku jetojnë rreth 11 milionë ujgurë.
