Ushtria amerikane ka kryer një tjetër sulm ajror vdekjeprurës kundër anijeve të dyshuara për trafik droge në Paqësorin Lindor, duke vrarë gjashtë persona, ka konfirmuar Sekretari amerikan i Mbrojtjes, Pete Hegseth.
“Ushtria nisi dy sulme vdekjeprurëse kundër dy anijeve të ndara, të operuara nga organizata të caktuara terroriste. Këto anije njiheshin nga inteligjenca jonë si të lidhura me kontrabandën e paligjshme të narkotikëve, transportonin narkotikë dhe po kalonin tranzit përgjatë një rruge të njohur tranziti të trafikut të drogës në Paqësorin Lindor”, shkroi Hegseth në X.
Ushtria amerikane ka vrarë 76 persona në 19 sulme ajrore që kanë shkatërruar 20 anije, si pjesë e një fushate që Uashingtoni thotë se synon të kufizojë rrjedhën e drogës në Shtetet e Bashkuara.
Administrata Trump i ka thënë gjithashtu Kongresit se SHBA-të janë tani në një “konflikt të armatosur” kundër karteleve të drogës duke filluar me sulmin e parë më 2 shtator.
