Departamenti amerikan i Shtetit reagoi pasi kryeministri pakistanez, Imran Khan deklaroi se Uashingtoni kërkon të rrëzojë qeverinë e drejtuar prej tij.
Një zëdhënës i DASH tha se këto pretendime nuk janë të vërteta.
“Ne e admirojmë dhe e mbështesim procesin ligjor dhe kushtetues në Pakistan,” tha Ned Price.
“Ne nuk kemi preferenca mes partive politike. Ne mbështesim parimet më të gjera, siç janë sundimi i ligjit dhe drejtësia e barabartë për të gjithë,” tha ai.
Imran Khan pati deklaruar në fundjavë se Donald Lu, që shërben si ndihmës/sekretar për Azinë Qendrore dhe Jugore në Departamentin e Shtetit është personi që kërkon rrëzimin e qeverisë së tij.
Në një takim me ambasadorin pakistanez, Lu është shprehur se marrëdhëniet mes SHBA dhe Pakistanit do përmirësohen nëse largohet Khan.
Lu ka shërbyer si ambasador në Shqipëri.
