Sipas të dhënave të Universitetit “Johns Hopkins”, në Shtetet e Bashkuara janë regjistruar 1,056 të vdekur nga sëmundja Covid-19.
Në këtë mënyrë, numri i përgjithshëm i viktimave në shtetin më të prekur në botë shkoi në mbi 142 mijë, shkruan “CNN”, transmeton Gazeta Express.
Përpos viktimave,u shënuan edhe 62,752 raste të reja të infektimeve dhe numri i përgjithshëm i të prekurve shkoi në 3.9 milionë.
Në këto shifra përfshihen rastet nga 50 shtetet e ShBA-së, Distrikti i Kolumbisë dhe rastet e personave të riatdhesuar.
Shtetet e Bashkuara mbeten vendi i parë në botë për më së shumti persona të vdekur dhe të infektuar me koronavirus. Pas tyre vjen Brazili, ku situata gjithashtu është mjaft shqetësuese.
