Përfaqësuesja me e lartë diplomatike e Shteteve të Bashkuara të Amerikës në Tiranë, e ngarkuara me punë, Nancy Vanhorn, konfirmoi të mërkurën vazhdimësinë e partneritetit mes SHBA dhe SPAK. Gjatë fjalës së saj në një konferencë rajonale të OSBE, diplomatja VanHorn solli në vëmendje takimet e nivelit të lartë të kreut të SPAK, Altin Dumani në Departamentin e Shtetit në rëndësinë e këtij koordinimi.
“Pra, siç shumë prej jush e dinë, Kryeprokurori i PosaçëmDumani ishte së fundmi në Uashington për të diskutuar me udhëheqjen tonë se sie luftojmë së bashku krimin këtu dhe në Shtetet e Bashkuara. Dhe kypartneriteti i ligjzbatimit midis Departamentit tonë të Drejtësisë dhe SPAK-ut nuk u ndërtua brenda natës. Dhe së bashku, duhet të mbrojmë atë që kemi ndërtuar”.
Duke nënvizuar efektivitetin e SPAK, diplomatja amerikane vuri theksin tek një proces i paanshëm dhe i pandikuar i përzgjedhjes së pasardhësit të Dumanit në krye të SPAK.
“SPAK-u është aq efektiv sa pavarësia e tij për të ndjekur kriminelët, pavarësisht se me kë janë të lidhur. Edhe SPAK-u gjithashtu, sigurisht, i nënshtrohet ligjeve të Shqipërisë. Bazuar në ligj, Z.Dumani, sado efektiv, jashtëzakonisht efektiv që ka qenë, do të zëvendësohet sepse mandati i tij ka përfunduar. Dhe procesi i përzgjedhjes së pasardhësit të Z. Dumani duhet të jetë i paanshëm, transparent dhe i lirë nga ndikimet e jashtme”.
Sipas VanHorn, Shtetet e Bashkuara presin integritet në përzgjedhjen e Kryeprokurorit të ri të Posaçëm; ashtu siç presim për përzgjedhjen e Drejtorit të ardhshëm të BKH-së.
