Këshilltari i Sigurisë Kombëtare të SHBA Jake Sullivan bisedoi sot me zëdhënësin e Presidentit turk Ibrahim Kalin duke i shprehur kundërshtimin e fortë të Uashingtonit për blerjen e sistemit të mbrojtjes raketore ruse.
Ai tha se administrata e re e SHBA synon ta bëjë NATO-n një shtyllë kryesore të politikës së saj për të forcuar sigurinë transatlantike. Në këtë plan, ai ngriti çështjen e blerjes së sistemit rus S-400 nga Ankaraja, duke thënë se kjo minon koherencën dhe efektivitetin e aleancës së NATO-s.
Sipas një deklarate të Shtëpisë së Bardhë, “Këshilltari i Sigurisë Kombëtare Jake Sullivan foli sot në telefon me Ibrahim Kalin, zëdhënës i Presidentit të Turqisë.
Sullivan nënvizoi dëshirën e administratës Biden për të ndërtuar lidhje konstruktive SHBA-Turqi për të zgjeruar bashkëpunimin dhe për të menaxhuar mosmarrëveshjet në mënyrë efektive.
Ai shprehu synimin e qeverisë për të forcuar sigurinë transatlantike përmes NATO-s, duke shprehur shqetësimin se blerja nga Turqia e sistemit raketor rus S-400 minon kohezionin dhe efektivitetin e aleancës. Sullivan mirëpriti rifillimin e bisedimeve mes Turqisë dhe Greqisë.
Ata ranë dakord të punojnë së bashku për sfidat globale, të tilla si pandemia COVID-19 dhe ndryshimi i klimës dhe të konsultohen nga afër për çështjet rajonale me interes të përbashkët” mbyllet deklarata nga SHBA.
