Një raport i inteligjencës amerikane ka implikuar princin saudit të kurorës, Mohammed bin Salman, në vrasjen e gazetarit Jamal Khashoggi më 2018.
Në raportin e deklasifikuar, të publikuar nga administrata e presidentit amerikan Joe Biden, është thënë se princi ka miratuar planin për rrëmbimin apo vrasjen e gazetarit që ka jetuar në Shtetet e Bashkuara.
Kjo është hera e parë që SHBA-ja ka përmendur publikisht princin e kurorës në këtë çështje, i cili mohon të ketë dhënë urdhrin për vrasje.
