SHBA-ja ka vendosur sanksione ndaj presidencës turke të Industrive të Mbrojtjes (SSB) në lidhje me blerjen nga Ankaraja të sistemit rus S-400 të mbrojtjes ajrore, njoftoi sot Departamenti amerikan i Shtetit.
“Duke bërë marrëveshje me Rusinë për S-400-at, Turqia rrezikon sigurinë e teknologjisë ushtarake amerikane dhe siguron fonde për sektorin e mbrojtjes ruse”, argumentoi Uashingtoni.
Ankaraja i bleu armët vitin e kaluar, pavarësisht paralajmërimeve të përsëritura për sanksione nga SHBA-ja.
Turqia, një anëtare e NATO-s, u pezullua nga programi i avionëve luftarakë F-35 dhe nuk ka qenë në gjendje të blejë avionët e përparuar nga SHBA-ja.
Sipas Departamentit të Shtetit, sanksionet përfshijnë një ndalim të të gjitha licencave të eksportit të SHBA-së dhe një ngrirje të pasurive dhe kufizime të vizave për kreun e agjencisë turke, Ismail Demir.
