Një avion Boeing në SHBA është përfshirë në një incident. Gjatë ngritjes nga pista, pasagjerët filmuan nga sediljet e tyre përmes dritares, një pjesë të avionit që shkëputet.
Më pas avioni me drejtim në Houston u kthye i sigurt në Aeroportin Ndërkombëtar të Denverit pasi një mbulesë motori ra dhe goditi krahun, tha Administrata Federale e Aviacionit të SHBA.
Fluturimi arriti një lartësi prej rreth 3,000 metra kur u kthye, ndërsa në bord kishte 135 pasagjerë dhe gjashtë anëtarë të ekuipazhit. Administrata Federale e Aviacionit Amerikan tha se hetimi vazhdon.
