Shtetet e Bashkuara kanë vënë veton ndaj një projekt-rezolute të Këshillit të Sigurimit të OKB-së që kërkon një armëpushim të menjëhershëm.
Mbretëria e Bashkuar abstenoi, ndërsa 13 anëtarë të këshillit votuan në favor të tekstit të hartuar nga Algjeria.
Kjo ishte vetoja e tretë e SHBA-së që nga fillimi i luftës.
“Një votë në favor të kësaj projekt-rezolute është mbështetje për të drejtën e palestinezëve për jetë. Në të kundërt, votimi kundër saj nënkupton një miratim të dhunës brutale dhe dënimit kolektiv të shkaktuar ndaj tyre,” i tha këshillit ambasadori i Algjerisë në OKB, Amar Bendjama para votimit.
Ambasadorja e SHBA në OKB, Linda Thomas-Greenfield, tha se rezoluta do të “ndikojë negativisht” në negociatat në vazhdim.
“Kërkimi i një armëpushimi të menjëhershëm pa kushte, pa një marrëveshje që kërkon që Hamasi të lirojë pengjet nuk do të sjellë një paqe të qëndrueshme. Përkundrazi, mund të zgjasë luftimet midis Hamasit dhe Izraelit,” tha ajo.
SHBA ka propozuar një projekt-rezolutë rivale që bën thirrje për një armëpushim të përkohshëm “sa më shpejt të jetë e mundur”, lidhur me lirimin e të gjithë pengjeve dhe heqjen e barrierave për ndihmën humanitare.
