Michael O’Leary thotë se modeli i biznesit do të bëhet copë e çikë nëse ai detyrohet të lërë bosh sediljet e mesme
Aeroplanët e Raynair nuk do të fluturojnë nëse linja ajrore detyrohet të lërë vendin e mesëm bosh për të zbatuar rregullat “idiote” të distancës sociale tha shefi ekzekutiv i kompanisë, Michael O’Leary.
Bosi i transportuesit Raynair, kompani që ka lulëzuar duke fuqizuar fluturimet e tij me pasagjerë të joshur nga çmime të ulëta, ka thënë më parë se bllokimi i hapësirës mes vendeve është “i pakuptimtë” dhe nuk do të kishte efekt të dobishëm.
Ai i bëri komentet, duke thënë se nëse qeveritë insistojnë në masa të distancimit shoqëror, atëherë modeli i biznesit i Ryanair do të bëhej thjesht fërtele dhe transportuesi nuk do të fluturonte.
O’Leary tha që Ryanair tashmë i kishte thënë qeverisë irlandeze se nëse ajo vendos kufizimin, atëherë “ose qeveria paguan për vendin e mesëm ose ne nuk do të fluturojmë”.
Modeli i biznesit të transportuesit me bazë në Dublin mbështetet në fluturimin sa më shpesh që të jetë e mundur, duke hequr kostot dhe duke ekzekutuar një “faktor ngarkese” jashtëzakonisht të lartë, termi i industrisë së aviacionit për mënyrën sesi janë aeroplanët e plotë.
“Ne nuk mund të fitojmë para për sasinë e ngarkesës 66%,” tha ai.
“Edhe nëse e bëni këtë, sedilja e mesme nuk jep ndonjë distancim shoqëror, kështu që është një lloj ideje idiotike që nuk arrin asgjë në asnjë mënyrë,” shtoi ai, në një intervistë me Financial Times.
Organizata tregtare e industrisë ajrore globale, IATA ka parashikuar humbje të mëdha për linjat ajrore si rezultat i Covid-19, me të ardhurat e humbura që këtë vit do të arrijnë në 314 miliardë dollarë (255 miliardë pound).
IATA tha në fillim të kësaj jave se çdo rregull i krijuar për të minimizuar fluturimet do t’i jepte përkohësisht modelit të lirë të udhëtimit ajror ose transportuesit kushtin të rrisin çmimet me 50% ose të zhyten.
Rivali i Ryanair, easyJet ka thënë se pret që fluturimet e distancuara shoqërore të jenë të mundshme në një afat të shkurtër, duke marrë parasysh që kërkesa për udhëtim ajror ka të ngjarë të ulet në çdo rast, edhe pasi kufizimet e bllokimit të lehtësohen. O’Leary tha që linjat ajrore evropiane duhet të imponojnë masa të ndryshme sigurie, siç janë detyrimi i pasagjerëve të mbajnë maska ose të kontrollojnë temperaturën e tyre në aeroport. (The Guardian)
