Shefi i Shtabit të Forcave të Armatosura të Republikës së Kroacisë, gjenerali Mirko Shundov, do të vizitojë nesër Ministrinë e Mbrojtjes të Kosovës. Shundov do të pritet me ceremoni ushtarake dhe do të zhvillojë takime me kreun e FSK’së dhe të Ministrisë së Mbrojtjes, raporton Express.
Vizita do të bëhet në Ministrinë e Mbrojtjes në Prishtinë, të martën në orën 08:30.
Ai me këtë rast do të pritet me ceremoni ushtarake, pas së cilës do të ketë takime të ndara me kreun e FSK-së gjenerallejtënant Rrahman Rama dhe ministrin e Mbrojtjes të Republikës së Kosovës, Rrustem Berisha.
Gjatë ditës, shefi i Forcave të Armatosura të Republikës së Kroacisë viziton Kompleksin Memorial “Adem Jashari” në Prekaz.
Ndryshe, kjo është vizita e parë e shefit të Shtabit të Forcave të Armatosura të Republikës së Kroacisë, pas transformimit të FSK-së në Ushtri të Kosovës.
Më poshtë mund ta gjeni agjendën e plotë të vizitës së gjeneralit Mirko Shundov:
08:30 – 08:40 – Pritja e shefit të Forcave të Armatosura të Republikës së Kroacisë me ceremoni ushtarake (fotografia e përbashkët zyrtare)
08:40 – 09:00 – Takimi tete-a-tete i dy gjeneralëve: Rama dhe Shundov
09:00 – 09:20 – Takimi i ministrit të Mbrojtjes të Republikës së Kosovës, z. Rrustem Berisha me shefin e Mbrojtjes të Kroacisë, gjeneralin Mirko Shundov
09:25-10:15 – Brifing: Arritjet e FSK-së dhe rruga përpara, Salla e Madhe e Konferencave, pjesëmarrës të dy delegacionet
10:15 – 10:25 – Deklaratë për media e komandantit të FSK-së gjenerallejtënant Rrahman Ramës dhe Shefit të Forcave të Armatosura të Republikës së Kroacisë gjeneralit Mirko Shundov,
15:20-16:20 – Shefi i Forcave të Armatosura të Republikës së Kroacisë, gjenerali Mirko Shundov viziton Kompleksin Memorial „Adem Jashari“ në Prekaz.
