Anëtarësimin tonë në NATO nuk e shohim si çështje vetëm të sigurisë, por edhe si shans që t’i ndihmojmë ekonomisë së Maqedonisë, ka thënë zëvendëskryeministrja dhe ministre e Mbrojtjes, Radmilla Shekerinska.
“Ky është shansi për ekonomitë tona, pasi të gjitha ato kanë perspektiva më të mëdha nëse janë eksportues të mirë, ndërsa mund të jenë të mirë dhe të furnizojnë tregun vendor nëse bota i shikon si kompani të shtetit të sigurt dhe stabil. Anëtarësimi në NATO ofron mundësi t’i prezantojmë edhe kompanitë tona në dritë pozitive pasi bursa e Maqedonisë shumë pozitivisht ka reaguar vitin e kaluar. Prandaj këtë vit shohim se gjashtë muaj pas nënshkrimit të marrëveshjes me Greqinë, ne kemi rritje të tregtisë me Greqinë dhe Bullgarinë”, ka thënë Shekerinska.
Ajo ka shtuar se është kjo mundësi për krijimin e më shumë vendeve të punës.
“Pres në dy javët e ardhshme Maqedonia të merr ulësen e vet në NATO dhe pres ajo të ketë reagime pozitive edhe në biznesin vendor dhe në interes të investimeve të huaja”, ka thënë Shekerinska.
