Shqipëria sot përkujton Ditën e Dëshmorëve të Atdheut në Shqipëri.
Presidenti i Shqipërisë, Ilir Meta ka zgjedhur fotografinë e Qemal Stafës që ta përkujtojë këtë ditë.
“Sot është dita e Qemal Stafës dhe e mijëra të rinjve dhe të rejave, që dhanë jetën për Lirinë e Shqipërisë. Lavdi e përjetshme, nderim, respekt dhe mirënjohjen më të thellë Dëshmorëve të paharruar të Atdheut, të çdo epoke”, ka shkruar presidenti Meta në Facebook.
Po ashtu, kryeministri Edi Rama e ka nisur duke përkujtuar Dëshmorët e Atdheut.
Rama ka publikuar një fotografi nga varrezat e dëshmorëve të atdheut.
Dita e Dëshmorëve u vendos të jetë 5 maji 1942, dita kur u vra nga fashistët Qemal Stafa, i ri komunist aktivist i luftës Nacional Çlirimtare.
