Policia e Tiranës ka arrestuar 26-vjeçarin Henri Gjapi të shpallur në kërkim për vrasje.
Më 31 mars në zonën e ish-Bllokut, Gjapi u konfliktua me një 46-vjeçar. Si pasojë e plagëve të marra, ky i fundit ndërroi jetë disa ditë më pas në spital.
Henri Gjata po hynte në Shqipëri nga Aeroporti i Rinasit në momentin që është vënë në pranga.
“Më datë 31.03.2023, në rrugën “Vaso Pasha”, shtetasi H. Gj. është konfliktuar me shtetasin G. T., 46 vjeç, i cili për shkak të dëmtimeve është dërguar në spital, për ndihmë mjekësore. Gjatë këtij konflikti, ka ndërhyrë edhe shtetasi A. Gj., i cili ka goditur shtetasin H. Gj. Si pasojë e dëmtimeve, 46-vjeçari ka ndërruar jetë në spital”, thuhet në njoftimin e Policisë
