Mediat italiane kanë dhënë lajme kurioze se çfarë bënë italianët pas golit të Bajramit në ndeshjen e Shqipërisë me Italinë, që u rezilua në sekondën e 24.
Ndeshja mes Italisë dhe Shqipërisë sigurisht që zgjoi shumë emocione te tifozët italianë, të cilët e panë kombëtaren e tyre fillimisht në vështirësi, por më pas duke u rikuperuar me një paraqitje të shkëlqyer.
Megjithatë, një nga aspektet më kurioze të kësaj ndeshjeje ishte rritja e goditjeve të regjistruara në një faqe të specializuar për ndeshjet e nxehta pikërisht pas golit të shënuar nga lojtari i Sasuolos, Nedim Bajrami për Shqipërinë pas vetëm 23 minutash, goli më i shpejtë në histori të Europianit.
Kjo e dhënë, e bërë e ditur nga Gazzetta dello Sport, ka ngjallur mjaft kuriozitet, pasi duket se vë në pah një zhgënjim të tifozëve italianë me ekipin e tyre dhe vendimit për t’iu përkushtuar një lloji tjetër argëtimi për të shpërqendruar veten.
Trafiku i internetit në ato minuta ishte i paqartë dhe duket se konfirmon se shumë italianë kanë vendosur të kërkojnë shpërqendrim në mënyra të tjera para ekranit të tyre.
Megjithatë, është e rëndësishme të theksohet se nuk ka siguri absolute për këtë krahasim, por dyshimet janë të forta duke pasur parasysh se kulmi i hyrjeve u ul menjëherë pas barazimit të Alessandro Bastonit dhe rikthimit të kombëtares.
Rritja e klikimeve në faqen e takimeve mbetet një detaj kurioz që ka tërhequr vëmendjen e mediave dhe tifozëve të futbollit, por mbetet mister nëse zhgënjimi sportiv mund të ndikojë në të vërtetë në zgjedhjet e argëtimit të fansave në internet.
