Gushti është muaji për të pushuar dhe reflektuar dhe planifikuar një të ardhme për Shqipërinë, beson dhe ambasadorja e SHBA-së Yuri Kim.
Ambasadorja e SHBA-së tregon dhe çfarë pret SHBA me kthimin e punës në shtator.
I bën thirrje kryeministrit Edi Rama dhe kryetarit të PD-së Lulzim Basha dhe udhëheqësve të reflektojnë dhe të ndërmarrin veprime të guximshme
“Është koha për udhëheqësit që të tregoni kush jeni dhe çfarë mendoni se meriton ky vend. Është koha për të udhëhequr” thotë ambasadorja në editorialin e saj duke nënvizuar se “SHBA-të duan një partner, jo një problem.”
Kontrolloni edhe një herë listat
Yuri Kim përsërit publikisht edhe një herë thirrjen drejtuar Edi Ramës e Lulzim Bashës si dhe udhëheqës të tjerë të kontrollojnë listat për t’u siguruar që kur të kthehen në Parlament, njerëzit të mund të jenë krenarë për përfaqësuesit e tyre. U kërkon dhe palët të ngrihen mbi interesat e tyre partiake të arritur kompromis dhe për të bashkëpunuar me njëri-tjetrin për të ardhmen e Shqipërisë.
“Presim me kënaqësi ta shohim Parlamentin të rikthehet me pjesëmarrje të plotë, në mënyrë që shqiptarët nga i gjithë spektri politik të jenë të përfaqësuar.
Nxisim udhëheqësit nga të gjitha krahët që të kthehen me vendosmëri të ripërtërirë për të punuar fort në emër të popullit shqiptar. Kjo do të kërkojë ndryshim, vizion, si dhe udhëheqësi të vërtetë për të çrrënjosur krimin dhe korrupsionin, në mënyrë që secili të ketë një mundësi të drejtë dhe një të ardhme më të mirë.
Do të kërkojë që Edi Rama, Lulzim Basha, si dhe udhëheqës të tjerë të kontrollojnë listat edhe njëherë për t’u siguruar që kur të kthehen në Parlament, njerëzit të mund të jenë krenarë për përfaqësuesit e tyre. Po ashtu, do të kërkojë që palët të ngrihen mbi interesat e tyre partiake dhe të gjejnë mënyrën për të arritur kompromis dhe për të bashkëpunuar me njëri-tjetrin për një kauzë më të lartë, për të ardhmen e Shqipërisë.
Duam një partner jo një problem
“Për një kohë tepër të gjatë, korrupsioni është përdorur si armë nga aktorë shtetërorë dhe joshtetërorë për të blerë politikanë, për të fituar kontrata dhe për të ndërhyrë në proceset demokratike. Presidenti Biden dhe Sekretari Blinken e kanë bërë të qartë përmes fjalëve dhe veprimeve të tyre se lufta kundër korrupsionit është një përparësi kombëtare për Shtetet e Bashkuara. Duam një aleat që është i fortë, i aftë dhe i begatë. Duam një partner, jo një problem.
Është koha që udhëheqësit të reflektojnë dhe të ndërmarrin veprime të guximshme. Është koha për udhëheqësit që të tregoni kush jeni dhe çfarë mendoni se meriton ky vend. Është koha për të udhëhequr.”
