Policia italiane ka shkatërruar një rrjet të trafikut të drogës, duke prerë 9 urdhër arreste. Pjesë të këtij grupi janë dhe 8 shqiptarë.
Sipas medias italiane, operacioni është bërë në rajonine Reggio Emilias. Karabinieria ekzekutoi urdhrin për ndalimin paraprak të nëntë personave, tetë me origjinë shqiptare dhe një italian, nën hetim për krimin e trafikimit të drogës.
Autoritetet italiane aktivizuan selinë e Interpolit për të shpërndarë urdhër-arrestet në të gjithë botën, në bashkëpunim me Zyrën e Ekspertit të Sigurisë në Shqipëri.
Arrestimet dhe kërkimet aktualisht po kryhen në provincat e Reggio Emilias, Bergamos, Brescia dhe Savona, si dhe në Francë, Spanjë dhe Shqipëri, falë koordinimit operativ me autoritetet e huaja policore, veçanërisht Departamentin e Policisë Kriminale të Shqipërisë.
Operacioni, i quajtur “STURL ONE”, përfaqëson një vazhdimësi të aktiviteteve të mëparshme hetimore, të njohura si TREXIT 2019 dhe BLACK MAMBA, të cilat kishin çuar tashmë në ekzekutimin e një totali prej tridhjetë e pesë masash kufizuese në janar 2021 dhe shtator 2022.
