Veton Berisha ka pasur një ndeshje të madhe të dielën në Norvegji. Ai shënoi dy gola dhe bëri dy asistime në fitoren 4:1 të Vikingut ndaj Valerengas. Ndeshja i takoi xhiros së shtatë të elitës së Norvegjisë.
Berisha, që është kapiten i skuadrës, shënoi golin e parë në fund të pjesës së parë. Në minutën e 57-të siguroi penallti dhe e konkretizoi në gol. Kosovari asistoi në dy golat e fundit.
Reprezentuesi i kohëpaskohshëm i Norvegjisë, Berisha, ka arritur në shifrën e pesë golave në shtatë paraqitje. Vitin e kaluar ai shënoi 16 gola në 28 ndeshje dhe tani është në rrugë të mirë për një edicion tjetër të madh.
