Të shtunën në disa zona të Bashkisë së Shkodrës do të nisi një aksion disa ditor pastrimi.
Sipas kryetarit të bashkisë Benet Beci aksioni do të shtrihet në zonat e Velipojës, Ura e Bunës, Shirokës dhe Zogajt.
Ndërhyrja do të realizohet me përfshirjen e Forcave të Armatosura, si bashkëveprim mes Ministrisë së Turizmit e Mjedisit, Ministrisë së Mbrojtjes, Prefektit dhe Bashkisë Shkodër.
Aksioni ka si synim mbrojtjen e mjedisit e shëndetit të njerëzve dhe mbarëvajtjen e sezonit turistik që sapo ka nisur, tha zoti Beci.
“Mbarëvajtja e këtij aksioni disaditor ka nevojë për mirëkuptimin e qytetarëve. Unë kam besim të plotë se të gjithë duam një Shkodër të pastër, ndaj jo vetëm në aksione të këtyre përmasave, por çdo ditë, vëmendja e shtuar e secilit prej nesh na siguron cilësi më të mirë jetese dhe mbrojtje të mjedisit” shkruan me këtë rast në rrjetet sociale kryetari i Bashkisë së Shkodrës Benet Beci.
