Në Spitalin Infektiv në Tiranë ka vdekur një pacient 75-vjeçar. Pacienti ka mbërritur në spital në gjendje të rëndë, teksa vuante nga post-hemorragjia cerebrale, diabeti dhe hipertensioni.
Pacienti me inicialet A.C., ishte testuar dhe kishte rezultuar pozitiv me Covid-19, ndërkohë që, gjendja e tij shëndetësore është rënduar në mënyrë të menjëhershme.
Sipas Ministrisë së Shëndetësisë së Shqipërisë, pavarësisht përpjekjeve të mjekëve të Spitalit Infektiv për ta asistuar në kohë rekord, pacienti nuk ia ka dalë të mbijetojë.
Tashmë, numri i personave të vdekur në Shqipëri me Covid-19 shkon në 17.
