Aveniri politik i zëvendëses së kryeministrit britanik Sir Keir Starmer, i përngjan momentit të hedhjes së shortit me monedhë të arbitrave të futbollit në prag të fillimit të ndeshjeve ku ‘kokë a pilë’, përcakton ose topin ose fushën, është lajm i keq për të.
Angela Rayner, e akuzuar për shmangie taksash dhe hipokrizi në deklarimin e transaksioneve detyruese dhe taksës së blerjes së shtëpive të dyta, pas këshillimeve ligjore, duket se nuk qëndrojnë, pasi kompanitë e këshillimit e kanë mohuar një këshillë të tillë dhënë zv/kryeministres britanike e cila mbulon ironikisht edhe çështjet e strehimit.
Ndërkohë, Starmer, i detyruar nga presioni politik dhe mediatik të veprojë ndaj njeriut me të cilin ndau vizionin dhe projektin e tij politike të sjelljes së Laburistëve në pushtet pas 15 vjetësh, është i detyruar ose ta shkarkojë ose ta detyrojë të japë dorëheqjen zëvendëses së e tij, në rast se një raport i hetimit të etikës dhe standardeve ministeriale do konkludojë kundër Angela Rayner.
I ndodhur nën presionin e sondazheve dhe titujve të mediave britanike Starmer thuajse se s’ka asnjë rrugëzgjidhje, përveç largimit të zëvendëses së tij, e cila është edhe nën-kryetarja e Partisë Laburiste e zgjidhur nga anëtarësia.
Ç’ka ndodh shpesh në politikën dhe shoqërinë britanike duket shpesh atipike dhe e habitshme për shoqëri dhe mentalitete politike larg veriut dhe lindjes së kontinentit, andaj dhe Britania njihet si vendi me praktikën më të konsoliduar demokratike të botës së lirë. Sikurse besohet gjerësisht në qarqet politike dhe mediatike britanike, largimi i Angela Rayner është çështje kohe se kur më shumë së nëse. Mbetet të mësohet vetëm koha, dhe koha për Kryeministrin Starmer, i cili pritet të filloj pushimet e shkurtra verore këtë fundjave, është e pakët në dispozicion.
