Linjat e autobusave me numër 9, 23, 45 dhe 12 nesër do ta ndalojnë qarkullimin pasi Qyteti i Shkupit nuk filloi t’ua kthen borxhin prej 61 milion denarëve thotë Lenin Jovanovski, drejtor i Shoqatës së autobusave privat “Slloboden prevoz”.
Ai thotë se protesta do të zhvillohet para ndërtesës së Qytetit të Shkupit ndërsa protesta do të radikalizohet në qoftë se nuk arrijnë marrëveshje me Qytetin e Shkupit.
“Nuk do t’i ndalojmë të gjitha linjat, nuk do t’i ndëpresim linjat tërë ditën, por gjithsesi kjo do të varet nga komunikimi me kompetentët nga Qyteti i Shkupit.
Në orët e hershme të mëngjesit do ndalojnë me transport disa linja të qytetit me numër 9, 23, 45 dhe 12. Ndërsa linjat tjera do të funskionojnë. Sa do të zgjasë protesta dhe në çfarë forme do të zhvillohet do të varet prej asaj se çfarë do të merremi vesh me Qytetin e Shkupit” – tha Lenin Jovanovski.
Slloboden prevoz ka 132 autobusë, ndërsa një ditë më parë shoferët paralajmëruan protestë pasi nuk kanë të ardhura se si t’i mbulojnë shpenzimet për qarkullimin e autobusëve.
