Pas shpalljes non ngrata edhe nga Britania e Madhe ish-kryeministri Sali Berisha ka kërkuar që autoriteteve britanike që të dorëzojnë pranë organeve të drejtësisë të vendit të tyre dhe në Shqipëri, çdo fakt dhe provë që disponojnë për akuzat që janë ngritur kundër tij. Ai njoftoi se do të ndjekë të gjithë hapat ligjorë për të mbrojtur dinjitetin e tij.
“Ftoj autoritete britanike të dorëzojnë pranë organeve të drejtësisë të vendit të tyre, dhe pranë organeve të drejtësisë në Shqipëri, çdo fakt, provë apo dokument që disponojnë, ata ose kushdo tjetër, për akuzat që kanë ngritur kundër meje. Për të gjitha këto shpifje, unë do konsultohem me ekspertë për hapat ligjorë që do të ndërmarr për të mbrojtur nderin dhe dinjitetin tim dhe të vendit tim, për aq sa unë e përfaqësoj”.
Në deklaratën për mediat Berisha sqaroi se këto vendime vijnë në kohë kur qeveria ëhstë kapur nga krimi dhe korrupsioni ndërsa përmendi aferat e inceneratorëve, lidhjet e qeverisë me krimin të dala në përgjimet për dosjet e Dibrës dhe Shijkaut, sie dhe të korruptuar në Europë.
“Përse ato vijnë në një kohë kur nën qeverisjen e Ramës krimi ka kapur shtetin dhe vënë përfund Shqipërinë, kur vendi është kthyer në një plantacion droge dhe ku, sipas dosjeve të mirënjohura në Prokurori dhe raporteve të OSBE, bandat dhe krimi i organizuar blejnë vota për pushtetarët?
Përse ato vijnë në një kohë kur banditët kanë marrë mandate deputetësh dhe kryebashkiakësh, kur opinioni tronditet çdo ditë nga magnituda e aferës së inceneratorëve, e Butrinit dhe e portit të Durrësit, e qindra afera të tjera korruptive te qeverisë më të korruptuar në Europë të Edi Ramës dhe, akoma më shumë nga indiferenca e drejtësisë për të hetuar atë dhe qindra afera të tjera?
Përse ato vijnë në një kohë kur, ende nuk është shuar jehona e lidhjeve me krimin e organizuar dhe kriminelët, të dala qartë në përgjimet e Prokurorisë të dosjeve 184 dhe 339, të zbardhura edhe nga gazetat gjermane? Politikanët e këtyre përgjimeve, shokë me “çunat problematikë”, janë sot kryeministër dhe ministra”.
