Ballkani është shkatërruar me rezultatin 4-0 nga Ludogorets, duke u eliminuar nga Champions League që në raundin e parë.
Kampionët e Kosovës, të cilët e kishin fituar 2-0 takimin e parë, u shpërbënë në ndeshjen e kthimit, duke pësuar nga dy gola në secilën pjesë.
Autorët e golave për ekipin bullgar ishin Tekpetey (2), Tissera dhe Caio Vidal.
Tashmë, aventura e Ballkanit në Evropë do të zhvendoset në Conference League, ku në turin e dytë do të ndeshet me Larne, kampionët e Irlandës së Veriut.
