Të paktën tre persona u lënduan të martën në mëngjes, rreth orës 8:30, në një incident të frikshëm në një stacion metroje në Brooklyn, New York, bënë të ditur autoritetet.
Fotot nga vendngjarja tregojnë njolla gjaku në dyshemenë e stacionit, ndërsa në median sociale shihen njerëz të lënduar, por mbetet ende e paqartë se çfarë ka ndodhur. Ka raporte të pakonfirmuara që falsin për shpërthim apo për gjuajtje me armë.
Ekipi i bombave i policisë së New Yorkut është në vendngjarje për të hetuar.
Një i dyshuar besohet të ketë qenë i veshur me rroba punonjësi ndërtimi. Një zëdhënës i departamentit të zjarrfikësve tha se janë gjetur shumë pajisje eksplozive të pashpërthyera.
