Shpërthime të fuqishme janë dëgjuar pasdite dhe në orët e mbrëmjes së të enjtes në lindje të kryeqytetit të Ukrainës, Kiev.
Shpërthimet e fundit kanë ndodhur vetëm pak orë pasi Sekretari i Përgjithshëm i OKB-së, Antonio Guterres, u takua me presidentin ukrainas, Volodymyr Zelensky dhe ministrin e jashtëm ukrainas, Dmitry Kuleba në Kiev.
Dy shpërthime në Kiev u konfirmuan edhe nga kryetari i bashkisë, ish-boksieri Vitali Klitschko.
Ndërkohë, ministri Kuleba i cilësoi sulmet e fundit si akte të urryer barbarie. “Me këtë akt të urryer barbarie, Rusia po dëshmon edhe një herë qëndrimin e saj ndaj Ukrainës, Europës dhe botës”, tha Kuleba.
