Lënda plasëse që shpërtheu mbrëmjen e kaluar në portën e banesës së një 63-vjeçareje, rezulton të jetë vendosur në shtëpinë e Bakie Zotos.
Ajo është nëna e Gentian Zotos, një nga të dyshuarit si atentatori i Inez Hajrullës.
Inez Hajrulla është një emër i dëgjuar për botën e krimit dhe policisë, i cili kishte arritur t’i shpëtonte dy atentateve, një në vitin 2017 dhe tjetri në vitin 2019.
Gentian Zoto është dënuar me 35 vite burg nga Gjykata e Apelit, si pjesë e grupit që kryen atentatin kundër Inez Hajrullës me 10 maj 2019 në Vlorë.
Së bashku me Zoton për të njëjtën ngjarje, të dënuar janë dhe Daut Elmazi, Igli Memaj, Serxho Ademi dhe Albano Goxhaj.
